Англамоўная магістратура, дзе квір-даследаванні разглядаюць міждысцыплінарна — праз культуру, гісторыю, палітыку і мастацтва. Падыдзе абітурыент_кам, якім цікава вывучаць ЛГБТК+ ідэнтычнасці і супольнасці, працаваць з сучаснай тэорыяй і развіваць моцныя даследчыя навыкі.

Тут сабраны курсы па мовах, культуры, грамадстве, праве, бізнесе, ІТ і іншых кірунках. Добры варыянт, калі хочаш выбраць практычнае навучанне для развіцця навыкаў або вучобы для сябе і пры неабходнасці атрымаць сертыфікат.

Курс пра тое, як працуюць сацыяльныя нормы і як яны змяняюцца — са зразумелымі прыкладамі з рэальнага жыцця і гуманітарных праграм. Падыдзе тым, хто хоча навучыцца аналізаваць і вымяраць нормы і разумець, у якіх сітуацыях праца з імі дапамагае запускаць змены, напрыклад, у пытаннях гендарнага гвалту, дзіцячых шлюбаў або практык здароўя і гігіены.

Падборка курсаў на Coursera па гендарных даследаваннях — ад уводных тэм пра гендарную роўнасць і фемінізм да больш прыкладных курсаў пра псіхалогію, здароўе, працу і інклюзіўныя практыкі.

Падборка курсаў edX па гендарных даследаваннях — ад уводных праграм да больш спецыялізаваных тэм пра грамадства, культуру, права, здароўе і палітыку. Тут зручна шукаць курсы па ўзроўні, тэматыцы і фармаце.

Серыя курсаў CS50 ад Гарварда па інфарматыцы і праграмаванні для персон з любым узроўнем падрыхтоўкі. Праграма ўключае ўводны курс па камп’ютарных навуках і асобныя кірункі накшталт Python, баз даных, штучнага інтэлекту і вэб-распрацоўкі.