Бясплатная платформа і мабільны дадатак дапамагаюць знайсці правераныя паслугі для ЛГБТК+ персон, якія сутыкнуліся з пераследам або дыскрымінацыяй. Сэрвіс дазваляе ананімна знайсці бяспечнае жыллё, юрыдычную абарону, медыцынскую дапамогу і псіхалагічную падтрымку ў ЗША, Канадзе і Мексіцы. Каталог змяшчае толькі верыфікаваныя сэрвісы, гатовыя працаваць з людзьмі з вопытам бежанства і тымі, хто запытвае прытулак.
Арганізацыя ў Сан-Францыска спецыялізуецца на юрыдычнай дапамозе ЛГБТК+ людзям з досведам міграцыі, якія запытваюць прытулак у ЗША. Юрыдычная каманда забяспечвае прадстаўніцтва інтарэсаў для людзей, якія ратуюцца ад пераследу на глебе сексуальнай арыентацыі, гендарнай ідэнтычнасці ці ВІЧ-статусу. Праект дапамагае граматна падрыхтаваць кейс і падаць заяву на атрыманне абароны.
Цэнтр прадастаўляе комплексныя юрыдычныя паслугі людзям з досведам міграцыі і тым, хто запытвае прытулку. Арганізацыя абараняе правы тых, хто знаходзіцца пад пагрозай дэпартацыі, і аказвае дапамогу ў пытаннях уз'яднання сям'і, афармлення грамадзянства і абароны ад дамашняга гвалту. У межах спецыяльнай праграмы ЛГБТК+ персоны могуць атрымаць кваліфікаваную падтрымку пры падачы заяў на прытулак на падставе сексуальнай арыентацыі або гендарнай ідэнтычнасці.
Служба ў ЗША прадастаўляе бясплатную і канфідэнцыйную падтрымку 24/7 для ўсіх, хто адчувае эмацыйны стрэс ці суіцыдальныя думкі. Дапамога даступная па кароткім нумары тэлефона, праз SMS і анлайн-чат на сайце. Для ЛГБТК+ персон да 25 гадоў існуе магчымасць атрымаць спецыялізаваную падтрымку ад людзей, якія прайшлі падрыхтоўку для працы з запытамі супольнасці.
Арганізацыя працуе ў Ізраілі і стварае сацыяльныя праграмы для ЛГБТК+ моладзі. Дзейнасць ахоплівае групы зносін па ўсёй краіне, летнікі і клубы лідарства. Арганізацыя аказвае псіхасацыяльную падтрымку, у тым ліку транс-персонам і рэлігійнай моладзі, дапамагаючы ў пытаннях самапрыняцця і сацыялізацыі
Арганізацыя, якая аказвае падтрымку людзям, што жывуць з ВІЧ/СНІД у рэгіёне Спакан (штат Вашынгтон). Каманда надае паслугі немедыцынскага кейс-менеджменту, дапамагае ў пошуку жылля па праграме HOPWA і забяспечвае харчаваннем праз уласны прадуктовы банк (Market Pantry). Дзейнасць таксама ахоплівае групы падтрымкі, прафілактыку і тэсціраванне на ВІЧ, а таксама дапамогу ў навігацыі па медыцынскіх паслугах.
Арганізацыя прадастаўляе бясплатную і ананімную падтрымку ЛГБТК+ персонам любога ўзросту праз агульную нацыянальную гарачую лінію і анлайн-чат. Таксама працуюць спецыялізаваныя службы для моладзі да 25 гадоў і старэйшага пакалення. Платформа прапануе роўную падтрымку па шырокім коле пытанняў: ад камін-аўту і адносін да здароўя і бяспекі.
Шведская сетка лакальных груп аказвае практычную і юрыдычную падтрымку асобам без дакументаў і тым, хто запытвае прытулак, але атрымаў адмову ў статусе. Актывіст_кі сеткі дапамагаюць разабрацца ў міграцыйным заканадаўстве, знайсці юрыдычную абарону і атрымаць доступ да медыцынскай дапамогі. Арганізацыя таксама займаецца абаронай правоў тых, хто вымушаны хавацца ад дэпартацыі, прадастаўляючы кансультацыі па пытаннях бяспекі і базавую сацыяльную дапамогу.
Арганізацыя ў Вене, якая дапамагае ЛГБТК+ людзям з досведам бежанства і тым, хто запытвае прытулак, даючы юрыдычныя кансультацыі па пытаннях легалізацыі і суправаджаючы ў працэсе атрымання прытулку. Каманда арганізуе бяспечнае жыллё, курсы нямецкай мовы і сацыяльную падтрымку, уключаючы дапамогу з камінг-аўтам. Праект праводзіць рэгулярныя сустрэчы супольнасці і прапануе магчымасці для зносін і інтэграцыі.
Швейцарская служба, якая прадастаўляе кансультацыі для ЛГБТК+ персон па тэлефоне, электроннай пошце і праз онлайн-чат. На платформе працуе інструмент для бяспечнага паведамлення пра выпадкі дыскрымінацыі і гвалту на глебе нянавісці. Валанцёр_кі аказваюць падтрымку па прынцыпе «роўны — роўнаму» і пры неабходнасці накіроўваюць да дружалюбных юрыдычных і медыцынскіх сэрвісаў або арганізацый дапамогі людзям з досведам міграцыі.